21

چیئرمین پی ٹی آئی عمران خان کی دو ہفتے کے لیے سات مقدمات میں حفاظتی ضمانتیں منظور

چیئرمین پی ٹی آئی عمران خان کی 9 مئی کے واقعات میں 7 مقدمات میں عبوری ضمانتوں پر سماعت‏ لاہور ہائی کورٹ کے دو رکنی بینچ نے کی۔

عدالت نے چیئرمین پی ٹی آئی کی سات مقدمات میں حفاظتی ضمانتیں دو ہفتوں تک منظور کرلی۔

چیئرمین پی ٹی آئی کی عبوری ضمانتوں پر آفس اعتراض برقرار رکھنے کے بعد عمران خان کی لیگل ٹیم نے ان مقدمات میں حفاظتی ضمانتیں دائر کی تھیں۔

واضح رہے کہ سابق وزیر اعظم اور چیئرمین تحریک انصاف عمران خان نے 9 مئی کے حوالے سے 8 مقدمات میں عبوری ضمانت کے لیے آج صبح لاہور ہائی کورٹ سے رجوع کیا تھا۔

عمران خان نے اپنے وکیل بیرسٹر سلمان صفدر کی وساطت سے ضمانت کی درخواستیں دائر کی تھیں جس میں موقف اختیار کیا تھا کہ انھیں راولپنڈی، میانوالی، فیصل آباد اور گوجرانوالہ میں درج مقدمات میں نامزد کیا گیا ہے اور وہ ان مقدمات میں ‏شامل تفتیش ہوکر حقائق سے آگاہ کرنا چاہتے ہیں تاہم سکیورٹی مسائل درپیش ہیں۔

عدالت نے چئیرمن پی ٹی آئی کی عبوری ضمانتوں کی درخواست کا ناقابل سماعت قرار دے دیا تھا۔

اس خبر پر اپنی رائے کا اظہار کریں